Ісқағаздарының 98 пайызы мемлекеттік тілде жүргізіледі
Ақмола облысында мемлекеттік мекемелер ісқағаздарын 98 пайыз мемлекеттік тілде жүргізеді. Аталмыш аймақтағы бұл көрсеткіш «Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасының» өз деңгейінде орындалып жатқандығын айқындайды.
Өңірлік статистикаға сүйенсек, 2014 жылы қазақ тілінде шығатын құжаттардың үлесі 94 пайызды құраған. Ал 2015 жылдың қорытындысында бұл көрсеткіш 1 пайызға өскен. 2016 жылы мемлекеттік тілде жүргізілген іс қағаздар 97,3 пайызға артса, ағымдағы жылдың І тоқсаны бойынша 98 пайызға жетіп отыр.