Жалпы ақпарат, білім

Ербол Тілешов 1965 жылы Қарағанды облысында дүниеге келген.

Абай атындағы педагогикалық университетін бітірген.

Мансап

1992-2001 жылдары С. Сейфуллин атындағы Ақмола университетінің қазақ әдебиеті кафедрасында оқытушы, аға оқытушы болып жұмыс істеді.

2001-2002 жылдары Л. Гумилев атындағы Еуразия ұлттық университетінің қазақ әдебиеті кафедрасының доценті қызметін атқарды.

2002-2004 жылдары Л. Гумилев атындағы Еуразия университеті Гуманитарлық институты директоры орынбасарының міндетін атқарушы, директорының орынбасары болды.

2004-2007 жылдары «Республикалық мемлекеттік тілді жеделдетіп оқыту орталығы» РМҚК директорының орынбасары, директоры болып жұмыс істеді.

2007 жылдан 2012 жылға дейін жеке коммерциялық құрылымдарда еңбек етті.

2012-2015 жылдары – Астана қаласы Тілдерді дамыту басқармасы бастығының міндетін атқарушы, басшысы.

2015-2022 жылдары – «Шайсұлтан Шаяхметов атындағы тілдерді дамытудың республикалық үйлестіру-әдістемелік орталығы» РМҚК директорының міндетін атқарушы, директоры, атқарушы директоры.

2022 жылғы наурыздан 2023 жылға дейін «Шайсұлтан Шаяхметов атындағы ұлттық ғылыми-практикалық орталығы» КеАҚ бас директоры қызметін атқарды.

2023 жылдың 27 наурыз айынан бастап Қазақстан Республикасы Ғылым және жоғары білім министрлігі Тіл саясаты комитетінің төрағасы лауазымын атқарады.

Жалпы ақпарат

Асанғазы Оразкүл Асанғазықызы - 1952 жылы 22 ақпанда Жамбыл облысы Шу ауданының «Ақтөбе» ұжымшарында туған. Қазақ.

«Керегем саған айтам» кітабының (1998); мемлекеттік тіл саясаты туралы, оны ендіру, қолдану туралы, жас ұрпақты тәрбиелеудегі, ұлттық дәстүрді сақтаудағы тілдің рөлі туралы, отбасының, әйелдің қоғамдағы рөлі туралы, жарнама туралы, «Қазақстан Республикасындағы тілдер туралы» ҚР Заңына және «Әкімшілік құқық бұзулар туралы» ҚР Кодексіне өзгертулер енгізу туралы 53 мақаланың авторы.

Қазақ және орыс тілдерін біледі.

«Құрмет» орденімен, «Еңбектегі Ерлігі үшін», «Белсенді қызметі үшін», «Қазақстан Республикасының тәуелсіздігіне 10 жыл», «Қазақстан Республикасының тәуелсіздігіне 20 жыл» мерекелік медальдарымен марапатталған, «Қазақ КСР оқу ісінің үздігі» белгісі, Астана қаласы әкімінің Алғыс хаты, Оңтүстік Қазақстан облысы Сарыағаш және Бәйдібек аудандарының және Жамбыл облысы Шу ауданының «Құрметті азаматы» атақтары бар.

Жалпы ақпарат

Кәрімбек Арыстанбекұлы Құрманәлиев 1962 жылы 20 сәуірде Оңтүстік Қазақстан облысы Бәйдібек аудан Жамбыл ауылында дүниеге келген. Филология ғылым докторы (2002), профессор (1998). Қазақстан Ұлттық жаратылыстану ғылым академиясының академигі (2000). ҚР Білім беру саласының құрметті қызметкері (2002). 1986 жылы Алматы шет тілдері институтын (қазіргі Қазақ халықаралық қатынастар және әлем тілдері университеті) тәмамдаған. 1986-1987 жылдары осы институттың кәсіподақ комитеті төрағасының орынбасары. 1987–2000 жылдары Қазақ мемлекеттік қыздар педагогикалық институтында (қазіргі Қазақ мемлекеттік қыздар педагогикалық университеті) оқытушы, доцент, кафедра меңгерушісі. 2000–2003 жылдары «Қайнар» университетінің вице-президенті – ректоры. 2003–2007 жылдары ҚР Білім және ғылым министрлігі Жоғары білім беру департаменті директорының орынбасары, директоры. 2007–2008 жылдары Еуразия ұлттық университетінің инновация жөніндегі проректоры қызметтерін атқарды. 2008 жылдан бастап Қазақстан Ұлттық жаратылыстану ғылымдары академиясының вице-президенті. «Қазақ тіліндегі сөзжасамдық ұя мәселесінің теориялық негіздері» тақырыбында докторлық диссертация қорғады. 80-нен астам ғылым жарияланымның, 4 монографияның авторы.