Til úıretý tetigi – basty nysana

13.12.2019 Master slide 92

Ádisteme basqarmasy Bıyl bekitilgen latynnegizdi jańa álipbı men maquldanǵan jańa emle erejesin basshylyqqa ala otyryp, 72 saǵattyq «Jańa emleni oqytý ádistemesi» respýblıkalyq oqytý kýrsyn 26 naýryzy men 13 qazany aralyǵynda ótkizdi. Kýrs boıynsha 13 lek jasaqtalyp, óńirlerden-252, Nur-Sultan qalasynan-128 adam qatysty. Barlyǵy – 380 adam qamtyldy.

2019-jyldyń naýryz aıynan bastap elimizdiń túrli óńirlerinde 12 saǵattyq «Jańa emle: qurylymy men mazmuny» dárisi men semınaryn uıymdastyrý jumystaryn qolǵa aldy.

Dáris-semınarlar Almaty, Taraz, Taldyqorǵan, Qyzylorda, Shymkent, Túrkistan, Qostanaı, Qaraǵandy, Nur-Sultan, Atyraý, Mańǵystaý, Aqtóbe, Semeı qalalary men Aqmola, Batys Qazaqstan, Shyǵys Qazaqstan, Soltústik Qazaqstan, Pavlodar oblystarynda ózge de óńirlerde jalǵasyn tapty.

Sonymen qatar, Qazaqstandaǵy etnos tilderin oqytýǵa arnalǵan «Ana tili» 25 etnos tiline arnalǵan mátinder jınaǵyn ázirledi. Mátinder jınaǵy tildi meńgertýdiń V1 (orta) deńgeıine arnaǵan edi.

Elimizde tuńǵysh ret ótkizilgen respýblıkalyq onlaın semınarlary uıymdastyryldy.

Sondaı-aq2019-jyldyń 12-qyr­kúıe­ginde A. Baı­tursynuly atyndaǵy respýblıkalyq baıqaýy boldy. Baıqaýdyń negizgi maqsaty memlekettik tildi deńgeılep oqytýdyń búgingi tańdaǵy ınovasıalyq ádistemesin usyný jáne oqytýdyń mýltımedıalyq tehnologıalaryn engizý boıynsha tájirıbe almasý.

Aýyz toltyryp aıtatyn istiń biri – «Latyn grafıkasy negizindegi jańa emle erejelerin meńgertý» boıynsha beınedárister toptamasy. Beınedáris taqyryptary kognıtıvti, psıholıngvıstıka, áleýmettik lıngvıstıka ǵylymy turǵysynan túsindirilegen edi.

Basqarmanyń negizgi mısıasy memlekettik tildi meńgertýdiń tıimdi úzdik ádis-tásilderin anyqtaý, taratý. Til úırenýshilerdi ońtaıly jáne biregeı ádistermen, onyń ishinde kúndelikti jıi qoldanylatyn ádister arqyly jolǵa qoıyldy. Memlekettik tilimizdi úıretýde halyqaralyq ádisterdi de zerdelep otyramyz. Etnos tilderin oqytýdyń ádis-tásilderi de nazarda.

Til úıretýdegi túrli jańashyl izdenister jáne ony júzege asyrý arqyly qazaq tilin meńgertýdiń ádistemesin búgingi kún suranysyna saı talapkerlerdiń kóńilinen shyǵý basty paryz dep bilemiz.


Sofıa Omarova,

Ádisteme basqarmasynyń bsshysy