Ákimshilik basqarmasynyń basty isi

13.12.2019 Master slide 141

Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń Ákimshilik basqarmasy is-sharalardy sapaly uıymdastyrýdyń alǵysharttary men tıimdi atqarylýyn qamtamasyz etedi. Barlyq zańnamalyq qoldaý, is-qaǵazdarynyń erejelerge saı rásimdelýin qadaǵalap, is-sharalardyń ýaqytynda ári sapaly oryndalýyna qajetti taýarlar, qyzmet pen jumys túrlerin memlekettik satyp alý arqyly rásimdeýdi iske asyrady.

Sonymen qatar memlekettik tapsyrmany oryndaý úshin Til saıasaty komıtetimen jasalǵan kelisimsharttyń tarmaqtaryna sáıkes birneshe is-sharany uıymdastyrady.

Mysaly, 2018 jyly qazaq álipbıin latyn grafıkasyna kezeń-kezeńmen kóshirý úderisin qandaı nátıjelermen aıaqtaǵanymyzdy baıandaý maqsatynda zıaly qaýym ókilderi, ortalyq memlekettik atqarýshy mekemeler qyzmetkerleri, BAQ ókilderi, til janashyrlary úshin Nur-Sultan qalasynda 11 aqpan kúni «Jańa jahandyq kezeńdegi qazaq tili» atty tusaýkeserin ótkizdik. Qazaq álipbıin latyn grafıkasyna kóshirý baǵytynda birneshe tarmaq boıynsha uıymdastyrý jumystary atqaryldy. Atap aıtqanda, memlekettik tapsyrmanyń «Latyn grafıkasyna kezeń-kezeńmen kóshýge baılanysty otyrystar ótkizý» atty taqyrybynda 10 semınar uıymdastyryldy.

Memlekettik tapsyrmanyń «Latyn álipbıin engizýdiń ǵylymı-uıymdas­tyrýshylyq mindetteri» tarmaǵyna sáıkes 5 otyrys uıymdastyryldy.

«Til-Qazyna» ulttyq ǵylymı-praktıkalyq ortalyǵy ǵylymı jumystar men uıymdastyrý sharalaryn atqarý barysynda kásibı deńgeıdi kótermeleý maqsatynda ártúrli mekemelermen yntymaqtastyq memorandýmdarǵa qol qoıyp, eki jaqty jumystardy uıymdastyrýdy jolǵa qoıdy.

Qazaqstan Respýblıkasynyń Prezıdenti Qasym-Jomart Toqaevtyń 2019-jylǵy halyqqa Joldaýynda «Qazaq tiliniń memlekettik til retindegi roli kúsheıip ultaralyq qatynas tiline aınalatyn kezeńi keldi dep esepteımin» degen sózinen týyndaıtyn maqsat mindetterin saralaý maqsatynda 2019-jylǵy 24-qazan kúni Nur-Sultan qalasynda «QazMedıa» ortalyǵynda «Jahandaný jáne ulttaný úderisindegi qazaq tiliniń ómirsheńdigi» taqyrybynda respýblıkalyq forým ótti.

Forýmnyń negizgi maqsaty retinde – Qazaqstan Respýblıkasynyń Prezıdenti Qasym-Jomart Toqaevtyń halyqqa joldaýyndaǵy qazaq tiliniń ultaralyq qatynys tili retinde qalyptasý baǵytyndaǵy jumystardy saraptaý, aldaǵy mindetterdi anyqtaý belgilendi.

Memlekettik tildiń mártebesin kóterý úshin bıznes salasynda uıymdastyrylatyn respýblıkalyq konferensıalar, semınar, dóńgelek ústelder jáne t.b. is-sharalardyń qazaq tilinde ótkizilýin mindetteý, bıznestiń túrli salalary (qonaqúı, meıramhana, týrızm, saýda úıleri jáne t.b.) qyzmetkerlerine memlekettik tildi meńgertý boıynsha korporatıvti oqytýdy uıymdastyrý joldary pysyqtaldy.

Memlekettik, memlekettik emes kompanıalar, jeke menshik mekemeler men uıymdardyń qyzmetkerlerin qazaq tilinde sóıleýge yntalandyrý úshin júıeli túrde qazaq tilin jaqsy biletin «Qyzmetker ımıji» respýblıkalyq baıqaýlaryn, qoǵamdyq jarystar uıymdastyrý, «Bastaý Bıznes» jobasy boıynsha kásipkerlik negizderin oqýǵa qatysýshylar óz qujattaryn qazaq tilinde toltyryp, bıznes jobalaryn memlekettik tilde qorǵaý qajettiligi, memlekettik tildiń A2-V1 deńgeıin bilý talabyn jeke kásipkerlikke lısenzıa berý sharttarynyń biri retinde qarastyrý joldary sóz boldy

Otandyq naryqta brendke aınalǵan taýarlar týraly memlekettik tilde telearnalar ashý jáne osy taýarlar týraly jańa álipbımen jazylǵan maqalalar baıqaýyn júıeli túrde uıymdastyrý, ulttyq brendterdiń jarnamalyq aqparattaryn jańa álipbımen jazylýyn qamtamasyz etetin normatıvter ázirleý joldary pysyqtaldy.


Aıdos Ábdihalyq,

Ákimshilik basqarmasynyń basshysy