Eldiktiń altyn arqaýy

23.10.2019 Master slide 54

Qadirmendi áriptester!

Qazaq álipbıin latyn grafıkasyna kezeń-kezeńimen kóshirýdi qoǵamda nasıhattaý forýmy eldik istiń eleýlisi.Jańa álipbıge kóshý – jahandaný jáne ulttaný úderisindegi qazaq tiliniń ómirsheńdigin arttyratyn reforma. Osy reformany júzege asyrý barysyndaǵy mindetterdi aıqyndaý jáne jasalǵan jumys nátıjelerin nasıhattaý rýhanı jáne saıası mańyzdy faktorlardyń biri.

Álipbı reformasynyń jalpyhalyqtyq sıpat alý tetikterin iske qosý – búgingi kúnniń ózekti máselesi. Onyń joldaryn anyqtaý, Qazaqstandaǵy jáne álemdik tildik qaýymdastyqtaǵy qazaq tiliniń róli men mártebesi týraly zamanaýı bilim, aqparat, nasıhat alańdarynyń jumysyn uıymdastyrý búgingi forýmnyń mindeti.

Forým aıasynda ótkizilip otyrǵan «Jahandaný jáne ulttaný úderisindegi qazaq tiliniń ómirsheńdigi» ǵylymı-praktıkalyq konferensıasy qazaq tiliniń ultaralyq qatynas tili bolýyndaǵy ómirsheńdigi men áleýetin paıymdap, qazaq tili álipbıin latyn grafıkasyna 2025 jylǵa deıin kezeń-kezeńimen kóshirý úderisin pysyqtaýdy kózdep otyr.

Qurmetti áriptester! Respýblıkalyq forýmnyń jumysyna sáttilik tileı otyryp, munda qabyldanǵan sheshimder memlekettik tildiń damýyna jáne álipbı reformasynyń nátıjeli júrgizilýine óz septigin tıgizedi dep senemin.

Forýmnyń qatysýshylaryna shyǵarmashylyq tabys, jumystaryńyzǵa sáttilik tileımin!


Aqtoty Raıymqulova

Mádenıet jáne sport mınıstri