Jańa álipbımen jaryq kórdi

30.4.2019 Master slide 34

72 saǵattyq respýblıkalyq kýrsyna arnalǵan «Jańa emle» oqý-ádistemelik quraly jáne elimizdiń óńirlerinde uıymdastyrylyp jatqan 12 saǵattyq dáris-semınarǵa arnalǵan oqý-ádistemelik quraly, sonymen qatar, profesor T.Aıapovanyń «Latynnegizdi qazaq tili emlesiniń negizgi erejelerin úıretý ádistemesi» atty eńbegi jaryq kórdi. Bul oqý-ádistemelik oqýlyqtar – latynnegizdi qazaq tiliniń jańa álipbıimen jaryqqa shyqqan tuńǵysh eńbekter.

«Jańa emle» atty oqý-ádistemelik quralynyń jalpy redaksıasyn basqarǵan fılologıa ǵylymdarynyń doktory, profesor Q.Kúderınova.

Oqý-ádistemelik quraldyń mazmunynda jańa emle erejesin meńgertýge baǵyttalǵan taqyryptar 14 taraýǵa júıelengen. Máselen, qazaq jazýyn latyn grafıkasyna kóshirýdiń maqsaty, jańa qazaq álipbıi tańdalýynyń qysqasha tarıhy, jańa qazaq álipbıiniń grafıkasy men quramy, bólek jáne birge jazylatyn sózderdiń, turaqty tirkesterdiń emlesi, defıspen jazylatyn sózderdiń emlesi, shettildik sózderdiń orfografıalanýy jáne orfoepıasy, bas árippen jazylatyn sózderdiń emlesi jáne taǵy basqalary. Máselen, «Bólek jazylatyn sózderdiń emlesi» taraýynda «Anyqtaýyshtyq qatynastaǵy sóz tirkesteriniń bólek jazylý sebepteri», «Kúrdeli etistikterdiń emlesi», «Kúrdeli syn esim, ústeý jáne esimdikterdiń emlesi», «Yrǵaqtyq toptyń, kúrdeli sózdi ulastyryp aıtý orfoepıasy» taqyryptary qamtylǵan.

S. Omarova