Ulttyq ulan sarbazdary

30.4.2019 Master slide 40

Qazaq eli Ulttyq ulanynda «Jańa emle: qurylymy men mazmuny» atty 12 saǵattyq dáris-semınar ótkizildi. Semınarǵa elimizdiń barlyq aımaqtarynyń áskerı bólimderinen 63 áskerı qyzmetshi qatysyp, biliktilikterin arttyrdy. Semınarǵa qatysqan áskerı qyzmetshilerdiń quramy osy saladaǵy qazaq tiliniń mamandary men aýdarmashylary boldy. Atalǵan is-sharanyń alǵashqy dárisin «Til-qazyna» ulttyq ǵylymı-praktıkalyq ortalyǵynyń atqarýshy dırektory E.Tileshov oqydy. Praktıkalyq sabaqtaryn Ádisteme basqarmasynyń aǵa ǵylymı qyzmetkerleri S.Omarova, S.Kenjemuratova, ǵylymı qyzmetker M.Dármenova, kishi ǵylymı qyzmetker E.Shynataı júrgizdi. Semınarda ortalyq baspasynan jaryq kórgen 12 saǵattyq dáris-semınarǵa arnaıy qurastyrylǵan «Jańa emle» oqý-ádistemelik quraly 63 áskerı sarbazǵa taratyldy jáne QAZLATYN dıskisi berildi. Semınar sertıfıkaty tabys etý rásimimen aıaqtaldy. Ulttyq ulan ujymy alǵystaryn aıtyp, rızashylyqtaryn bildirdi.

S.Kenjemuratova