JAŃA EMLENİ ÚIRETETİN 72 saǵattyq respýblıkalyq kýrs

30.4.2019 Master slide 123
Latyn álipbıin jurtqa jetkizip, saýatty jazý isin ornyqtyratyn emle ekeni álimsaqtan belgili. Sony basty nysanaǵa alǵan «Til-qazyna» ǵylymı-praktıkalyq ortalyǵy ıgilikti iske, ıaǵnı latynnegizdi jańa qazaq jazýyn úıretý boıynsha Naýryz aıynan bastap kýrs uıymdastyryp keledi. Bul jumys jyl sońyna deıin jalǵasady eske sala ketelik. San salany qamtıtyn sol kýrs materıaldarynan jınaqtalǵan toptamany oqyrmandarymyzǵa usynýdy jón kórdik.

Mádenıet jáne sport mınıstrligi Til saıasaty komıtetine qarasty Shaısultan Shaıahmetov atyndaǵy «Til-qazyna» ǵylymı-praktıkalyq ortalyǵy 2018 jyldyń 6 jeltoqsanynda maquldanǵan «Jańa álipbı negizindegi qazaq tili emlesiniń erejelerin» meńgertý maqsatynda respýblıkalyq deńgeıde 72 saǵattyq «Jańa emleni oqytý ádistemesi» oqytý kýrsyn júıeli uıymdastyrýda.

A. Baıtursynuly atyndaǵy Til bilimi ınstıtýtynyń bas ǵylymı qyzmetkeri, fılologıa ǵylymdarynyń doktory, profesor Q.Kúderınova latynnegizdi jańa qazaq álipbıi men emle erejelerin meńgertýshi trenerlerdi daıyndaý kýrsynyń Oqý baǵdarlamasyn ázirledi. Atalǵan oqý baǵdarlamasy negizinde Sh.Shaıahmetov atyndaǵy «Til-qazyna» ǵylymı-praktıkalyq ortalyǵynyń ádisteme basqarmasynyń qyzmetkerleri kýrstyń jumys jospary men sabaq kestesin ázirlep, uıymdastyrýymen oqytý kýrsy júrgizilip jatyr.

Kýrstyń maqsaty – latynnegizdi jańa qazaq jazýynyń álipbıi men emle erejeleriniń ǵylymı negizderin, orfografıalyq normalaryn, basty normatıvti qaǵıdalaryn qazaq tili mamandaryna úıretý arqyly ózge aýdıtorıany oqyta alatyn bilikti trenerler daıyndaý. Osy maqsatty júzege asyrý barysynda trenerlerge jazýdyq ulttyń biregeıligi, jańa jazýdyń buqaralyq sanany qalyptastyrýdaǵy qyzmeti men mańyzy, tildiń jazba túri men aýyzsha túriniń aıyrmashylyǵy, jańa qazaq álipbıiniń grafıkasy men quramy, qazirgi aıtylym normalary men jazýdyń araqatynasy, qazaq tili emle erejelerindegi dástúrli jazý normalary, jańa emle erejesindegi taraýlar, paragraftar, eskertýler boıynsha tolyqqandy bilimder beriledi.

Atalǵan is-sharaǵa respýblıkalyq oqý ortalyqtary jáne túrli mekemeler men ulttyq kompanıalar, atap aıtqanda, «Qazmunaıgaz» ulttyq kompanıasy, «Qazaqtelekom», «Qazaqstan temir joly» aksıonerlik qoǵamy, «Atameken» Qazaqstan Respýblıkasynyń Ulttyq kásipkerler palatasy, Y.Altynsarın ulttyq bilim berý akademıasy, ulttyq jáne memlekettik bilim berý uıymdary, Ulttyq qaýipsizdik komıteti jáne taǵy basqa memlekettik uıymdar men mekemelerinde qazaq tilin oqytyp júrgen til mamandary men ádiskerleri, aýdarmashylar, BAQ salasynyń qyzmetkerleri qatysyp, jańa emle erejelerin úırenip jatyr. 2019 jyldyń 26-naýryzynan bastalǵan oqytý kýrsy qazan aıynyń sońyna deıin jalǵasatynyn aıta ketelik.

A. Seıİtbekova