Túbi bir túrki dúnıesi

30.4.2019 Master slide 280

Bul kúnderi túrki dúnıesi túgeldikke bet buryp, ketken esesin jumyla júrip qaıtarýǵa kiristi. Ásirese, tamyry tereń, arqaýy myqty rýhanı qundylyǵyna den qoıyp, ózine ǵana tán ózekti jumysty qolǵa alyp jatyr. Onyń qatarynda qazaq jurty da bar. Rýhanı qundylyq degende aldymen oıǵa oralatyny túrki jazbalary. Bul babalardan qalǵan qundylyq. Ol tipti ózge halyqtardan buryn tasqa qashap jazylǵanyn bilimdiler moıyndap qana, onyń ereksheligin taıǵa tańba basqandaı taldap kórsetti. Sol qundylyqtyń qunyna jetý, jetip qana qoımaı qoldanysqa engizip, urpaqtyń tanyp bilýine jol ashý basty mindet. Túrki halyqtaryn jaqyndastyratyn da, biriktiretin de sol qundylyqtar ekeni anyq. Sonyń qatarynda: til, dil, din, ádet-ǵuryp, salt-sana, ózge de ózimizge ǵana tán qadirli de kıeli qasıetter az emes.

Osynyń bárin qamtyǵan shara «Túrki jazbalary men mádenıeti kúnderi» aıasynda «Rýhanı jańǵyrý jáne túrkilik rýhanıat» atty túrki jazbalary kúnine arnalǵan ǵylymı-praktıkalyq konferensıa der edik. Biz búgin sol konferensıadaǵy baıandamalardyń yqshamdalǵan nusqasynyń keıbireýlerine basylymnan oryn berip otyrmyz.