Jańa álipbı – jańa serpilis!

8.2.2019 Master slide 807
ХХI ǵasyr ǵylym men tehnıkanyń qaryshtap damyp, aqparattar legine ilese almaı jatqan ýaqyt. Qaı eldiń ǵylymy ozyq, tehnologıasy jetik bolsa, sol memlekettiń tiliniń qoldaný aıasy álemdik deńgeıde bolady.

Baqdáýlet Aıdaǵaraev


Máselen, álemdegi elderdiń 80 paıyzdan astamy latyn álipbıin qoldanady.

ХХI ǵasyr latyn álipbıi – tehnologıa, aqparat, komýnıkasıa tiline aınalyp otyr. Bul latyn álipbıiniń ekonomıkalyq tıimdiligin aıqyndaıdy. Kompúterdegi jazý grafıkasynyń negizgi draıveri latyn álipbıi. Elbasy N.Á.Nazarbaev 2013-jyly

Halyqqa Joldaýynda «Qazaq alfavıtin 2025-jyldan bastap, latyn grafıkasyna kóshirý úshin daıyndyqty osy bastan qolǵa alý qajet. Bul qazaq tilin jańǵyrtyp qana qoımaı, ony osy zamanǵy aqparat tiline aınaldyrady» –

dedi.

Iá, qazaqtyń jańa álipbıi Elbasynyń 19.02.2018 jylǵy № 637 Jarlyǵymen bekitilip, búgingi tańda sol boıynsha daıyndyq jumystary bastalyp ketti. Birinshi jańa qazaq álipbıi bizge ne beredi degen suraqqa toqtalyp óteıik? Álipbıdiń elimizdiń bolashaǵy úshin bereri kóp. Mysaly, «Úsh tuǵyrly til», 2011-2019- jyldarǵa arnalǵan tilderdi qoldaný men damytý baǵdarlamasy aıasynda elimiz boıynsha aǵylshyn tiline kóptep kóńil aýdarylýda.

Al aǵylshyn tilin meńgerý arqyly ǵalamdyq aqparat pen ınovasıalardyń tilin túsinýge mol múmkindik beredi. Al latyn grafıkasyna negizdelgen jańa tól álipbı sonyń barlyǵyna jol ashatyn birden-bir qural. Jańa tól álipbıge ótý árıne bul úlken sharýa, degenmen ana tilimizdi saqtap qalýdyń birden-bir joly.

Elbasynyń kóregen saıasatyn búkil el bir aýyzdan qoldap, búgingi tańda 2025-jylǵa qaramaı úlken-kishi erterek úırenýge kirisip ketti. Sebebi bul álipbı biz úshin jańalyq emes. Ata-babamyzdyń qoldanyp ketken tól álipbıimiz dep bilemin.

Jańa álipbı – jańa serpilis, jańa belesterdi baǵyndyrýdyń eń úlken múmkindigi.