Til – ulttyń jany

8.2.2019 Master slide 333
Qazaq tili – baı til. Desek te, biz ózimiz sóılesip júrgen qazaq tiliniń keremetteri bar ekenin túsine bermeıtin sekildimiz…

Aıgúl ÁlImhanqyzy

Túrkistan


Til – halyqtyń altyn dińgegi. Til – qaı ultta bolsa da qasterli, qudiretti uǵym. Ol ár adamnyń boıyna ana sútimen birge enip, qalyptasady. Til – halyqtyń jan, sáni, tutastaı keskin-kelbeti, bolmysy. Adamdy muratqa jetkizetin – ana tili. Til adamshylyq, mádenıettilik, tárbıelilik ólshemi bolyp tabylady. Til – ulttyń jany. Al ulttyń bolashaǵy – onyń ana tili. Til halyqpen birge ómir súrip damıdy, ár ulttyń tili – onyń baqyty men tiregi.

Elbasy N.Á.Nazarbaev halyqtyń bolashaǵy týraly tereńnen tolǵaı otyryp, «memlekettiń eń basty dúnıesi tek ǵana baı-lyq emes, sonymen qatar ana tilimizdiń bolashaǵy»degen bolatyn. Ana tili – altyn qazyna, ana tilin qadirleý, bedelin nyǵaıtý bizdiń paryzymyz.

Búgingi tańda da til janashyry bop, tilimizdiń mártebesin arttyrý úshin eńbek etip júrgen azamattarymyzda barshylyq. – Sóz túzeldi, tyńdaýshym sende túzel, – dep hakim Abaı aıtqandaı elimiz egemen, jerimiz keń baıtaq, kók aspan astynda beıbitshilikte erkindikte, tynyshtyqta ómir súrgen qazaǵym ana tilimizdi saqtaıyq, san ǵasyr boıy babalardan jetken baǵa jetpes asyl muramyzdy keıingi urpaqqa bizde amanattaıyq. «Qazaq tili – asa baı til, ıkemdi til. Oramyn, buramyn taýyp, qısynyn, oraıyn keltirip paıdalansań, bul tilmen sýret salýǵa, tas qashap, aǵash, tekemet oıýǵa bolady-aý.