Ábdýálı QAIDAR: Jazý reformasy – jalpyhalyqtyq is

26.11.2018 Master slide 293

Bıylǵy jyldy táýelsiz elimizdiń memlekettik tili – qazaq tiliniń tarıhynda eleýli oqıǵa bolǵan jyl dep sanaımyn. Bıyl latyn grafıkasy negizindegi qazaqtyń tuńǵysh ulttyq álipbıi Prezıdentimiz N.Á .Nazarbaevtyń jarlyǵymen bekitildi. Rýhanı jańǵyrýǵa bastaıtyn naǵyz jańarý – tiltanymdyq reformaǵa jol ashyldy. Muny biz sonaý ХХ ǵasyrdyń sońynda, 90-jyldary-aq armandaǵan edik. Táý elsizdigimizdi alǵan alǵashqy jyldary meniń bastamammen latyn álipbıine kóshý týraly usynysymdy Elbasy qoldaǵanmen, el ekonomıkasy úlken daǵdarysqa ushyraǵan zamanda, jazý túzeýden buryn kókeıkesti bolyp turǵan eldi tyǵyryqtan shyǵarýǵa arnalǵan túıtkildi máselelerdi sheshý kezek kúttirmeıtinin aıtyp, bul isti el eńsesi kóterilgen keıingi jaqsy zamanǵa qaldyrýdy jete túsindiripedi. Búginde Prezıdentimiz sol bastamany júzege asyrdy. Álemdik jazýdyń ozyq tájirıbesi osy latyn álipbıimen jasalyp keledi, bizdiń de ulttyq jazýymyz osy tańbaǵa arqa súıese, alǵa umtylǵan qadamymyz nyq bolary sózsiz.

Men osy reformanyń barlyq úderisterine bastan-aıaq nazar sap júremin, jankúıer retinde árbir eńsergen iske baǵa berip otyramyn. Qýantatyn is kóp. Sondaı bir ıgi shara dep tolyqtaı jańa álipbımen shyqqan basylym – «Til-qazyna» gazetin aıtýǵa bolady. Jazý reformasy, tilge qatysty bolǵan soń, jalpyhalyqtyq is! Al el bolyp bul ıgi isti sátti júzege asyrý úshin osyndaı halyqqa arnalǵan ónimder asa qajet. Qazirden bastap jurtshylyqtyń jańa álipbıdi kózshalymǵa qabyldaýyn jeńildetý ge, oqyp úırene berýine mundaı basylymnyń septigi mol. Gazettiń alǵashqy sanynyń mazmuny da tartymdy, jurttyń kókeıindegi suraqtarǵa bergen ǵalymnyń túsinikti jaýaby da, jazýymyzdyń tarıhy da, tilimizdiń tereńinde jatqan qyzyqty derekteri de bar. Gazetke uzaq ári mándi «ǵumyr» tileımin, oqyrmany kóp bolsyn!

Ábdýálı QAIDAR

QR Ulttyq ǵylym akademıasynyń akademıgi, fılologıa ǵylymynyń doktory, professor, SH. Ýálıhanov atyndaǵy memlekettik syılyqtyń ıegeri