Aqparattyq tehnologıa tegerýini

13.12.2019 Master slide 87

Ázirlengen IT-jobalardyń qazirgi ýaqytqa mańyzdysy Qazlatyn.kz – ulttyq portaly bolyp tabylady. Portaldyń ishinde ornalasqan Qazlatyn kópfýnksıonaldy konverterin jeke atap ótken jón. Qoldanýshyǵa yńǵaıly bolý úshin Mircorsoft Office formatyndaǵy kez-kelgen dokýmentti faıldyq konverter arqyly konvertasıalaý júıesi de iske qosylǵan. Aıta ketetin taǵy bir mańyzdy másele, konverterdiń ishinde oń jaq joǵarǵy jaǵynda «Qosymshalardy júkteý» degen aıdar bar. Ol jerden qoldanýshylar konverterdiń Windows-qa arnalǵan oflaın nusqasyn, iOS, Android júıelerine arnalǵan qosymshalaryn, GitHub veb-servıstik portalyna arnalǵan qosymsha plagınder jıynyn, Mircorsoft Office paketine arnalǵan qosymshalardy, Chrome braýzerine arnalǵan konverterdiń plagınin, SMS jáne derekter bazasyna arnalǵan konverterdi taba alady.

Mashınalyq oqytý negizinde tildi oqytýǵa arnalǵan veb-servıs Tilqural.kz portaly qarapaıym deńgeıdegi memlekettik tildi jáne latyn grafıkasy negizindegi qazaq tiliniń álipbıi men jańa emle erejesin tanystyrý, úırený, jazý jáne oqý daǵdylaryn qalyptastyrýǵa arnalǵan veb-servıs. Memlekettik tilge arnalǵan veb jáne IT-ınfraqurylym qurý negizindegi Sozdikqor.kz portalynyń kópshilikke paıdasy zor. Ol - ártúrli salalyq sózdikter men ensıklopedıalardaǵy sózder men turaqty sóz tirkesterin, qazaq tilindegi kóne sózderdi, kirme sózderdi, aımaqtyq jáne aqparattyq tehnologıalardyń damý kezeńindegi jańa tehnologıalyq sózderdiń maǵynasyn kórýge múmkindik beretin platforma.

iOS, Android úshin oıyn formatynda 5 mobıldi qosymsha, ıaǵnı «Iles», «Sóz álemi», «Jasyryn sóz», «Zerek bala» jáne «Sózdi tap» ıntelektýaldyq oıyndary ázirlengen bolatyn. Televızıalyq jobalardan «Enshi», «Shahmat», «Tiltanym» baǵdarlamalary respýblıkalyq arnalardan kópshilik nazaryna usynyldy. Odan bólek, ortalyq tarapynan qazaqstandyq ónim Selteń seri anımasıalyq fılmine latyn álipbıinde sýbtıtr qoıyldy. Fılmdi jaqyn arada kınoteatrlardan kóre alasyzdar. Al kishkentaı balaqaılar úshin «IQdos» jáne «Durys sóıleıik» anımasıalyq rolıkteri ázirlenip kópshilikke usynylǵan. Erekshe mańyzǵa ıe taǵy bir nasıhat quraly – beınerolıkter. Áleýmettik beınerolıkter respýblıkalyq telearnalardan kórsetilýde.

Ortalyq jáne jergilikti atqarýshy organdardyń, ulttyq kompanıalar men respýblıka boıynsha joǵary oqý oryndarynyń resmı ınternet-resýrstaryndaǵy memlekettik tildiń qoldanysy men saýattylyǵyn qadaǵalaý maqsatynda jyl saıyn «Qazaqstan Respýblıkasynda tildik ahýaldy taldaý jáne oǵan monıtorıń júrgizý» sharasy uıymdastyrylady. Al osy jyly sol shara negizinde «Birge túzeteıik» baıqaýy qarapaıym halyq arasyndaǵy belsendilerdi anyqtady.

Memlekettik til saıasatyn nasıhattaıtyn, qazaq tiliniń qoldanylym aıasyn keńeıtýge yqpal etip, Til týraly zańǵa qaıshy áreketterdi áshkereleıtin jyl saıynǵy «Memlekettik til jáne BAQ» respýblıkalyq baıqaýy ótkizildi.


Nurjan Seısenbek,

Aqparattyq tehnologıa jáne

saraptama basqarmasynyń basshysy