Aqparat ǵasyryndaǵy bizdiń meje

13.12.2019 Master slide 79

Qoǵammen baılanys – maqsaty jarnama. Forma men mekeme beınesin jasaý. Buqara men bılik arasyndaǵy eki jaqty uzaq baılanys ornatý.

Osy maqsatta Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy KeAQ-nyń Qoǵammen baılanys basqarmasy qarqyndy jumys jasap keledi. Búginde elimizdegi birneshe radıostansıalardyń tolqyndarynda jańa álipbıge kóshý barysyndaǵy ózgerister men jańalyqtar tyńdarmanǵa der kezinde jetkizilip otyr. Qazaq dalasynyń únjarıasyna aınalǵan «Qazaq radiosy»-nyń «Qaıyrly tań, qazaq eli» aqparattyq sazdy baǵdarlamasynda ár beısenbi saıyn Orfografıa basqarmasynyń basshysy, fılologıa ǵylymdarynyń kandıdaty Gúlfar Mamyrbektiń «Qazaq jazýynyń tarıhy» aıdary efırge shyǵady. Halyqaralyq, respýblıkalyq, aımaqtyq telemunaralar men ǵaryshtyq spýtnıkter ortalyq jańalyqtary men jasap jatqan jumystaryn álemniń ár túkpirine jetkizýde. Atap aıtar bolsaq, «TRT», «Azattyq», «Kazakh.tv» telearnalary shet eldegi aǵaıynǵa ulttyǵymyzdyń aıbary ana tilimiz tóńiregindegi sonǵy jańalyqtar men tól tańbaǵa qatysty ózgeristerdiń barysyn baıandap otyr. Otandyq «Habar» telearnasynyń «Tańǵy habar» baǵdarlamasynda turaqty túrde jańa álipbıdiń emle, erejesin túsindirip, oqytatyn ǵalym-hatshy, fılologıa ǵylymdarynyń kandıdaty Anar Fazyljanovanyń arnaıy aıdary ashylǵan. Aqparattyq, saraptamalyq, taldamalyq, t.b. túrli janrdaǵy baǵdarlamalarda ortalyq ǵalymdary men mamandary qonaq bolyp, suhbattar berip, kóp kókeıindegi saýaldardyń jaýabyn berýde. Bul bizdiń jumysymyzdyń basty kórsetkishi. Sebebi, qoǵammen baılanystyń negizgi tetigi – BAQ. Al ХХI ǵasyr – aqparat ǵasyry. Ol ǵalamdy tolyqtaı aqparatqa táýeldi etip, jańalyqtarǵa «orap» áketti. Osy aǵysqa ilesý bizdiń tańdaýymyzdaǵy dúnıe emes, talapty mindet bolyp otyr.

«Til-Qazyna» ortalyǵynyń ımıji men repýtasıasyn, iskerlik qatynastary men qoǵamdyq oń pikir qalyptastyrý úshin kreatıvti tyń tásilder qoldanylýda. Ortalyq ónimderi men jańa álipbıdi tanystyryp, kóz daǵdysyn qalyptastyrý maqsatynda qoǵamdyq kólikterge arnaıy áleýmettik, grafıkalyq rolıkter ornatyldy. Memlekettik tildiń mártebesin kóterip, qoldanys aıasyn keńeıtýdi kózdeıtin qysqametrajdy beınerolıkter respýblıkalyq telearnalar men qala kóshelerindegi, oıyn-saýyqtyq ortalyqtar men qoǵamdyq oryndardaǵy jarnamalyq led-ekrandardan kórsetilip, laıtbokstar aıaldamalarǵa ornalastyryldy. Til saıasatyn júrgizýge baǵyttalǵan IT jobalar, túrli formattaǵy baıqaýlar men onlaın, oflaın konferensıa, semınarlar, dárister ótkizilip, nasıhattalýda.

Biz úshin qoǵamdyq pikir mańyzdy ról atqaratyndyqtan buqaramen ózara baılanys úrdisin tek memlekettik deńgeıde ǵana emes, sonymen qatar jeke sýbekti retinde basqarýdy jón sanaımyz. Sol sebepti áleýmettik jelilerde qoǵamǵa oı salatyn tanymdyq aqparattar taratýmen qatar, qyzyqty málimettermen bólise otyryp, kúlli qazaqstandyqtardyń tutastyǵy men rýhanı jańǵyrý úderisinen qalys qalmaýyn qadaǵalaımyz.

Hosh. Álem tájirıbesinde qoǵammen baılanys - basqarý tetigi. Marketıń men buqaramen baılanys birigip, maqsattardyń oryndalýyn júzege asyrady. Bizdiń meje osy.


Jazıra Áshirbek,

Qoǵammen baılanys

basqarmasynyń redaktory