Termın talqylandy

23.10.2019 Master slide 54
Qazaqstan Respýblıkasy Mádenıet jáne sport mınıstrligi Til saıasaty komıtetiniń tapsyrmasymen «Termınderdi irikteýdiń krıterıleri men prınsıpteri» degen taqyrypta respýblıkalyq ádistemelik semınar ótti.

Semınardy Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy uıymdastyrdy. Basqosýda QR UǴA korespondent múshesi, fılologıa ǵylymdarynyń doktory Sh.Qurmanbaıuly óz baıandamasynda termınderdi irikteýdiń krıterılerin jáne prınsıpterin belgileý máselesin kóterip, naqty usynystaryn jetkizdi.

Sondaı-aq A. Baıtursynuly atyndaǵy Til bilimi ınstıtýtynyń ǵylymı qyzmetkeri, fılologıa ǵylymdarynyń doktory Q.Kúderınova, Qazaq tili álipbıin latyn grafıkasyna kóshirý jónindegi Ulttyq komısıa janyndaǵy Termınologıalyq jumys tobynyń múshesi, fılologıa ǵylymdarynyń doktory Q.Aıdarbek, Ulttyq aýdarma búrosynyń redaktory, fılosofıa ǵylymdarynyń kandıdaty Á.Quranbek, Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy Qoldanbaly lıngvıstıka basqarmasynyń basshysy, fılologıa ǵylymdarynyń kandıdaty S.Iteǵulovalar termınderdiń jasalý joldary, onyń qoldanysy jáne taǵy basqa máseleleri jóninde oı bólisti.

Respýblıkalyq ádistemelik semınardyń qorytyndysy boıynsha termınderdi irikteý krıterılerin belgileýge, prınsıpterin aıqyndaýǵa baǵyttalǵan qarar qabyldandy.

B. BALYQBAI