Ana tili mártebesi tolǵandyrady

23.10.2019 Master slide 52

Túrki tiliniń gaýhary – qazaq tili. Elimizdiń búgingi jastary baqytty. Olar saýattaryn qazaq álipbıimen ashady, oılaryn qazaq álipbıimen damytady. Elbasynyń «Elimizdiń ózi qýatty, jaýapkershiligi joǵary, birtutas el bolǵanyn qalaımyn» degen sózi barshamyzǵa oı salýy tıis. «Rýhanı jańǵyrý» maqalasynda aıtylǵan ulttyq rýhanı kod – ol bizdiń tereń tarıhymyz. Birneshe jyl buryn Elbasynyń qoldaýymen Kúlteginniń tasy Astanaǵa aldyrylyp, Eýrazıa ulttyq ýnıversıtetiniń mýzeıine qoıyldy. Sol kezde Oljas Súleımenov: «Babalarymyz tilin tasqa jazǵanda birneshe alpaýyt eldiń tili damymaǵan bolatyn» dep maqtanysh bildirgen edi. Qytaıda – 45, fransýzdarda 35 dybys bar. Olar sol dybystardy 26 árippen belgileıdi. Bizde 28 dybys bar. Sony 28 árippen belgilesek, óz maqtanyshymyz. A.Baıtursynuly «Bir dybysqa – bir árip» dep aıtyp ketken eken. Erterekte ǵalamat jazýshy Ábish Kekilbaı aǵamyzdyń «Qazaqta aqsaqal degen bar, kóksaqal degen bar. Kóksaqal telearnadan jalańash áıel kórinse, nemeresimen birge kóre beredi. Al aqsaqal «Óshir anany» dep, nemeresine ertegi aıtyp, kitap oqytady» degeni bar edi. Sol aǵalarymyz aıtqandaı, taza latyn qarpimen shyǵyp jatqan gazetimizdi, sabaq bolsyn dep tájirıbemizdi ákeldik.


Orazkúl ASANǴAZYQYZY,

«Til-Qazyna» ulttyq

ǵylymı-praktıkalyq ortalyǵy

bas dırektorynyń keńesshisi