«Jahandaný jáne ulttaný úderisindegi qazaq tiliniń ómirsheńdigi»

Respýblıkalyq forýmy





Ótetin orny: Nur-Sultan qalasy, «QazMedıa ortalyǵy»


Ótetin merzimi: 2019 jylǵy, 24 qazan, saǵat 9:00




RESPÝBLIKALYQ TİL FORÝMY


Maqsaty: Qazaqstan Respýblıkasynyń Tuńǵysh Prezıdenti-Elbasynyń «Bolashaqqa baǵdar: rýhanı jańǵyrý» baǵdarlamasyn jáne Qazaqstan Respýblıkasy Prezıdenti Q.K.Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýynyń, Qazaqstan Respýblıkasy Premer-Mınıstriniń 2018 jylǵy 13 naýryzdaǵy №27-Ó ókimimen bekitilgen «Qazaq tili álipbıin latyn grafıkasyna 2025 jylǵa deıin kezeń-kezeńimen kóshirý jónindegi is-sharalar josparynyń» mindetterin iske asyrý.

Forým barysynda memlekettik tildiń qoldanys aıasyn keńeıtý, jahandaný úderisindegi qazaq tiliniń bolashaǵy men damý baǵyttary, latyn grafıkasyna kóshirý barysy pikir alańdarynda talqylanady..

Óńirlerdegi tildik ahýalǵa monıtorıń jasalyp, ár óńirdegi ózekti máselelerdiń sheshý joldary saraptalady.

Ǵylym men bilim, zań, bıznes, aqparattyq keńistiktegi qazaq tiliniń róli men strategıalyq damý baǵyttary sala mamandarynyń talqylaýyna túsedi.

Qatysýshylar: Forýmǵa QR Parlamenti Senaty, Májilisi depýtattary, ortalyq atqarýshy organdardaǵy tilderdi damytý basqarmalarynyń basshylary, oblystyq, Nur-Sultan, Almaty, Shymkent qalalarynyń tilderdi damytý basqarmalarynyń/tilderdi damytý bólimderiniń basshylary, óńirlik tilderdi oqytý ortalyqtarynyń dırektorlary, QR Úkimeti janyndaǵy Ulttyq komısıanyń orfografıalyq, ádistemelik, termınologıalyq, saraptama-tehnıkalyq jumys toptarynyń músheleri, Ulttyq kompanıalardaǵy memlekettik tildi damytý departamentiniń basshylary, memlekettik tildiń qoldanysyna jaýapty mamandar, Qazaqstandaǵy dıplomatıalyq korpýs ókilderi, bıznes qaýymdastyq ókilderi, tiltanýshy ǵalymdar, Qazaqstan halqy assamleıasy ókilderi, etnomádenı ortalyqtardyń tilderdi damytý bólimderiniń basshylary, mamandary, BAQ ókilderi, blogerler, jýrnalıster, táýelsiz sarapshylar keledi.

Forým aıasynda:

1. «Jahandaný jáne ulttaný úderisindegi qazaq tiliniń ómirsheńdigi» ǵylymı-praktıkalyq konferensıasy ótedi.

2. Respýblıkalyq ortalyq komýnıkasıalar ortalyǵynda konferensıa qarary men nátıjeleri boıynsha brıfıń uıymdastyrylady.

3. Barlyq oblystardyń, Nur-Sultan, Almaty, Shymkent qalalaryndaǵy tilderdi damytý basqarmalarynyń tapsyrysymen, uıymdastyrýymen atqarylǵan jumystar men ázirlengen ónimderdiń kórmesi ótedi.

Kútiletin nátıje

Forým ótkizý nátıjesinde

- qazaq tiliniń ultaralyq qatynas tili bolýyndaǵy ómirsheńdigi men áleýeti paıymdalady;

- qazaq tili álipbıin latyn grafıkasyna 2025 jylǵa deıin kezeń-kezeńimen kóshirý úderisi pysyqtalady;

- óńirler boıynsha atqarylǵan jumystarǵa monıtorıń jasalady;

- ózekti problemalar talqylanady, sheshimin tabý joldary qarastyrylady;

- өзекті проблемалар талқыланады, шешімін табу жолдары қарастырылады;

- BAQ, áleýmettik jeliler men saıttar arqyly jalpy qaýymǵa nasıhattaý sharalary atqarylady;

- 2020-2025 memlekettik baǵdarlama jobasyna usynystar pysyqtalady;

- óńirlik tilderdi damytý basqarmalary men tilderdi oqytý ortalyqtary ózara tájirıbe almasady.

Секторлардың орналасу реті




Асханалар



Seriktester