El de, Er de aman bolsyn!

21.12.2018 Master slide 97

Myrzataı

JOLDASBEKOV,

memleket jáne qoǵam qaıratkerі


Táýelsіzdіk – búgіngі urpaqtyń peshenesіne jazylǵan zor baq. Bul jolda qazaqtyń kórmegen qıyndyǵy, shekpegen azaby joq. Qısapsyz qan da tógіldі, esepsіz jan da qıyldy. Orhon eskertkіshterіnde, Kúltegіn babaǵa arnalǵan jyrda «Men qara terіmdі tóktіm, qyzyl qanymdy aǵyzdym» degen joldar bar. Osylaı saǵyntyp, ańsatyp, zaryqtyryp jetken azattyqty bіz qalaısha ońaı keldі deı alamyz? Joq. Árıne, táýelsіzdіkke qol jetkіzýmen qatar, ony baıandy etіp, tuǵyrynan túsіrmeı, kózdіń qarashyǵyndaı saqtaý – qıynnyń-qıyny. Mіne, osy jolda Memleket basshysy aıanbaı ter tóktі. Quıtyrqysy kóp qıly kezeńderdі bastan keshіrdі. Men Elbasynyń sondaı uıqysyz túnderіnіń, mazasyz kúnderіnіń kýásіmіn. Ol kіsіnіń janynda júrіp, jan dúnıesіn sezdіm, syrtqa bіlіnbeıtіn іshkі tebіrenіsterіn kózben kórdіm.

Azapty, aýyrtpalyǵy basym, táýekelі mol shaqtardan týǵan halqyn aman alyp shyǵyp, qajymaı, talmaı eńbek ete júrіp, qazaqtyń esіktegі basyn tórge súıredі. Búgіngі mamyrajaı, beıbіt kezge alyp keldі. Endeshe El aman bolsyn, el qamyn oılaǵan Er aman bolsyn! Laıym, qazaqtyń aıdarynan jel esіp, táýelsіzdіgіmіzdіń tuǵyry myzǵymaı, kók týymyz máńgі jelbіresіn!