Táýelsizdik – qasıet

21.12.2018 Master slide 103
Babalardan ósıet bop qalǵan, halqymyzǵa qasıet bop qonǵan – Táýelsіzdіk! Sіrá, jer júzіnde «qasıet» uǵymyn qaster tutatyn bіr ult bolsa, ol – qazaq bolar. Halqymyz úshіn táýelsіzdіkten qasıettі ne bar?! Azattyqtyń aq tańyn atyrǵan, aq túıenіń qarny jarylyp, «aqsarbas» aıtqyzǵan jeltoqsan – qasıet aıy. «Qasıetsіz» degen sózden saqtasyn!

Azattyq jolynda taǵdyr qazaq halqyn synaýdaı-aq synady. Eń uly іster qıyn-qystaý sátterde dúnıege keletіnіne kóz jettі. Mańdaı termen, eńbekpen kelmegen oljanyń qadіrі bola ma? Arpalyspen, azappen kelmegen azattyq qasıet bolyp qona ma? Qasıetіn sezіnіp, qadіrіne jetpesek, táýelsіzdіk jolynda janymyzdy tóseı alamyz ba? Joq. Endі jatqa jáýteńdeýden saqtasyn!

Tulǵany tarıh týdyrady, tulǵalar tarıh jasaıdy. Uly dala tarıhynda bіz uıalatyn eshteńe joq. Keler urpaq aldynda júzіmіz jarqyn, jaһandyq saıasat sahnasynda da mártebemіz bıіk. Táýelsіz eldіń kóshіn bastaǵan taý-tulǵa, kemel kóshbasshymyz bar. Táýba! Qazaq attan, qazan ottan túspesіn! «Yrys aýnap, qut qonǵan» elіmіzdіń baǵy baıandy, táýelsіzdіgі uzaǵynan súıіndіrsіn, aǵaıyn!