Қазақстан Республикасы Мәдениет және спорт министрлігінің Тіл саясаты комитеті ұйымдастырып отырған «Қашықтан оқып, тіл үйрен!» акциясына, белгіленген кестеге сәйкес, 17 тамыздан бастап Шығыс Қазақстан облысы қосылады.

Шайсұлтан Шаяхметов атындағы «Тіл-Қазына» ұлттық ғылыми-практикалық орталығы мамандарының пікірінше, мемлекеттік тіл мәртебесінің айшықталуы, этнос өкілдерінің туған тіліне деген құрметі, жаңа мамандықтардың пайда болуы тез арада тіл үйренуге деген қажеттілікті тудырып отыр. Бұл мақсатына уақытын үнемдеп, әрі тегін қол жетізуде аталмыш акция маңызды рөл атқарады.

Сонымен бірге, аудиториясы ұлғая түскен дәріс оқушылар үшін үлкен тәжірибе алаңы болып жатқанын атап өткен орынды. Әр сабаққа талдау жүргізіліп, қажетті теориялық-практикалық көмек көрсетіліп отырады.