Жаңа қазақ әліпбиін енгізудің алғышарттары және емле ережелерін көпшілік талқылау
Қазақстан Республикасы Мәдениет және спорт министрлігі Тіл саясаты комитетінің тапсырмасымен ұйымдастырылып жатқан «Жаңа қазақ әліпбиін енгізудің алғышарттары және емле ережелерін көпшілік талқылау» тақырыбындағы ақпараттық-насихаттау шарасы аясында 17 қазан күні Қазақ Экономикалық, қаржы және халықаралық сауда университетінде, № 57 орта мектебінде, №77 мектеп-гимназиясында, № 2 қалалық ауруханада, Қалалық жедел медициналық жәрдем станциясында көпшілік талқылаулар өткізілді.
Жұртшылықты жаңа әліпбиге көшу барысымен таныстыру және ақпараттандыру мақсатын көздейтін түсіндіру-насихаттау жұмысына Ұлттық комиссия жанындағы орфографиялық, әдістемелік, терминологиялық және техникалық-ақпараттық сүйемелдеу жөніндегі жұмыс топтарының мүшелері, жетекші ғалымдар тартылды.
Оқытушы-филологтар мен студенттер қауымы емле ережелерінің негізгі қағидалары бойынша пікірлерін білдіріп, жиналғандар қазақ тілі әліпбиін латын графикасына кезең-кезеңмен көшіруге байланысты көкейіндегі сұрақтарына жауап алды.
Жаңа қазақ әліпбиін енгізудің алғышарттары және емле ережелерін көпшілік талқылау» тақырыбындағы әртүрлі әлеуметтік топ өкілдерінің арасындағы насихаттау шарасына қатысты өзге де ақпараттарды мына сілтемелерден толығырақ оқисыздар http://tilalemi.kz/article/1723-.html , http://tilalemi.kz/article/1707-.html , http://tilalemi.kz/article/1712 , http://tilalemi.kz/article/1726-.html