Қызылорда облыстық ішкі саясат басқармасы мен «Туған жер» қоғамдық қозғалысы» қауымдастығының ұйымдастыруымен қазақ тілінде білім алатын жастардың орыс әдебиетіне деген қызығушылығын арттыру, сөйлеу мәдениеті деңгейін көтеру, орыс тілін меңгерген дарынды жастарды анықтау мақсатында Көркемсөз оқу шеберлерінің облыстық байқауы өтті.

Байқауға Арал, Қазалы, Қармақшы, Жалағаш, Сырдария, Жаңақорғанаудандары мен Қызылорда қаласынан іріктеу турынан өткен жоғары сынып оқушылары және жоғары және арнаулы орта оқу орындарынан 14-22 жас аралығындағы 17 талапкер қатысты.

Байқау ережесіне сәйкес талапкерлер белгілі қазақ, орыс ақын-жазушыларыныңкөркемдігі жоғары прозалық және поэзиялық шығармаларынан жатқа үзінді оқыды.

Байқауға қатысушыларды Қорқыт Ата атындағы Қызылорда мемлекеттік университетінің орыс тілі мен әдебиеті кафедрасының доценті, педагогика ғылымдарының кандидаты Сәрсенова Дариха Үмбетайқызы бастаған қазылар алқасы бағалады. Сарапшылары үміткерлердің өнерін бағалау кезінде олардың көркем мәтінді оқу шеберлігіне, дауыс мәнеріне және тіл тазалығына, көркем мәтінді таңдау талғамына, сахналық және оқу шеберлігіне, сондай-ақ, сахналық киім мәдениетінебаса назар аударды.

Байқау қорытындысы бойынша Сырдария ауданындағы №36 мектеп-лицейдің 10-сынып оқушысы Хантемір Амангелдиев І орынды жеңіп алса, Қармақшы ауданы, Байқоңыр қаласындағы №272 орта мектептің 10-сынып оқушысы Айдана Ғалымжанова және Қызылорда қаласындағы №257 орта мектептің8 сынып оқушысы Теңізбай Арайлым ІІ орынды, ал «Абылайхан» атындағы жоғары колледжінің 1-курс студенті Елдар Есенгелдиев, Қызылорда қаласындағы №187 орта мектептің 9-сынып оқушысы Аружан Санақұлова, Жаңақорған ауданындағы №163 орта мектептің 7-сынып оқушысы Нұрсұлтан ИкрамІІІ орынды жеңіп алды.

Байқау жеңімпаздары басқарманың дипломдарымен және естелік сыйлықтарымен марапатталды.