Tildi damytý psıhologıasy

13.12.2019 Master slide 71

Memlekettik tildi qoldaý kerek, janashyr bolý kerek degen psıhologıadan arylǵan abzal. Óıtkeni osyndaı uranmen bizdiń shırek ǵasyrdan astam ýaqytymyz ótip ketti. Deı turǵanmen, memlekettik turǵydan «kerek» degen psıhologıanyń ornyna jalpy «osylaı bolý qalypty jaǵdaı, qalypty jaǵdaı bolýy tıis» degen psıhologıamen ustanymdy aýystyrýǵa tıispiz. Eger siz bızneske qatysty qazaq tilinde kitap nemesе jýrnal izdeseńiz jáne ony tapsańyz siz onyń baǵasyna qaramaı satyp alasyz. Iaǵnı tilimizdiń damýyn, básekelestik ortaǵa túsýin qalypty jaǵdaı retinde qarastyrylýy kerek.

Tildi kóteremin, degennen góri, is áreketpen, sapaly jumystar jasaǵan jaǵdaıda ǵana til ultaralyq tilge, halyqaralyq deńgeıge ózdiginen jetedi. Qazirgi aqparattyq zamanda siz eger paıdaly, mazmundy bir jańashyl ıdeıany nemese mátindi, jobany ortaǵa ákeletin bolsańyz, ol avtomatty túrde halyqaralyq, ultaralyq deńgeıde qoldanysqa enedi. Biz tildi damytýǵa osy turǵydan qaraýymyz kerek. Sol sebepti shablondy psıhologıadan arylyp, naqty iske kóshken durys. Osyny da eskerý qajet. Qysqasha aıtqanda, bizdegi tildi damytý psıhologıasy ózgerý kerek.


Ulan Erkinbaı,

A.Baıtursynuly Bilim akademıasynyń dırektory,

qaýymdastyrylǵan profesor