كوپۇلتتى قازاقستاننىڭ نەگىزگى بايلىعىن سۇتتەي ۇيىعان جۇزدەن استام ۇلت وكىلدەرى قۇرايدى. سونىڭ ىشىندە سلاۆيان حالىقتارىمەن وزارا ۇندەستىگىمىز بەن دوستىعىمىزدىڭ تاريحى تەرەڭدە. سوندىقتان دا عاسىرلار بويعى جاراسىمدى تىرلىك پەن تۇتاستىقتىڭ جارقىن كورىنىسىن پاش ەتەتىن «سلاۆيان جازبالارى مەن مادەنيەتى» كۇندەرىن اتاپ وتۋ ەلىمىزدە داستۇرلى شاراعا اينالعان. كۇنتىزبەدە بەلگىلەنبەگەن تاتۋلىق مەرەكەسى بۇگىن استانا قالاسىندا اتالىپ وتتى. اۋقىمدى شارا اياسىندا «تۇركى-سلاۆيان بايلانىسىنداعى تىل جانە ادەبيەت: قازىرگى زامان كوزقاراسى» اتتى حالىقارالىق عىلىمي كونفەرەنتسييا ۇيىمداستىرىلدى. كونفەرەنتسيياعا قازاقستان رەسپۋبليكاسىنداعى سلاۆيان جانە تۇركى مەملەكەتتەرى ەلشىلىكتەرىنىڭ وكىلدەرى، عالىمدار مەن قوعام قايراتكەرلەرى، ەتنومادەني بىرلەستىكتەر مەن ەتنواعارتۋشىلىق مەكتەپتەردىڭ قىزمەتكەرلەرى قاتىستى. باسقوسۋ بارىسىندا قازاقستان ەتنومادەني كەڭىستىگىندەگى سلاۆيان تىلدەرىنىڭ الۋان قىرلى قىزمەتى مەن ولاردى ساقتاپ قالۋ ماسەلەلەرى سوز بولدى. ورىس جانە وزگە دە سلاۆيان تىلدەرىن وقىتۋ باعىتىندا جيناقتالعان تاجىريبەلەر تارازىلانىپ، سلاۆيان جانە تۇركى تىلدەرىندەگى ۇقساستىقتار مەن ەرەكشەلىكتەر ەكشەلەندى.

تۇركى جانە سلاۆيان حالىقتارى اراسىنداعى رۋحاني جانە مادەني سالاداعى قارىم-قاتىناستى ودان ارى نىعايتۋعا باعىتتالعان القالى جيىندا سلاۆيانتانۋ، تۇركىتانۋ، تىلدىك قاتىناس، اۋدارماتانۋ، ادەبيەتتانۋ سالاسىنىڭ عالىمدارى بايانداما جاسادى.

تايسييا مارمونتوۆا، قر پرەزيدەنتى جانىنداعى «قوعامدىق كەلىسىم» رمك ەتنيكالىق قاتىناستار سالاسىندا تالداۋ جانە مونيتورينگ قىزمەتىنىڭ باسشىسى، تاريح عىلىمدارىنىڭ كانديداتى:

- ەكى مەملەكەتتىڭ كورشىلىك سىيلاستىعى ەكى ەل اراسىنداعى بەيبىتشىلىكتى عانا كورسەتىپ قويمايدى، سونىمەن قاتار بارشا تۇركى جانە سلاۆيان حالىقتارى دوستىعىنىڭ الەمدىك ىرگەتاسى بولىپ سانالادى. رەسەي جانە قازاقستان ەۋرازييا وداعىنىڭ بىرىڭعاي دامۋ پوليۋسى دەسە دە بولادى. ولاردىڭ بىرلەسكەن ىس-قيمىلىنسىز ەۋرازييا كەڭىستىگىندە بەيبىتشىلىك پەن كەلىسىمگە قول جەتكىزۋ استە مۇمكىن ەمەس. بۇل ەكى ەل، رەسەي مەن قازاقستان، بىرى-بىرىنسىز ومىر سۇرە المايتىن ەگىزدەر سەكىلدى دەر ەدىم.

تۇركىلەر مەن سلاۆياندار بىرلەسىپ ۇلكەن دامىعان بىرتۇتاس كەڭىستىك قۇردى. سول كەڭىستىكتە تاريحى، مادەنيەتى، رۋحاني جاقىن ادامدار تۇرادى. سلاۆيان جانە تۇركى الەمى بۇگىندە 500 ملن. ادامدى قۇرايدى. بۇل دەگەنىمىز الەمدىك قۇرىلىقتىڭ بەستەن بىر بولشەگى. ەندەشە ۇلكەن كۇش ەمەس پە؟. قۇرامىندا رەسەي، بەلورۋس، قازاقستان، قىرعىزستان مەملەكەتتەرى بار ەۋرازييالىق وداق شىن مانىندە سلاۆيان جانە تۇركى الەمى عوي. بۇگىنگى سلاۆيان جازبالارى مەن مادەنيەتى كۇنى مەرەكەسىندە وتىپ جاتقان كونفەرەنتسييا ەكى حالىقتىڭ اراسىنداعى ۇلى دوستىقتىڭ سيپاتى دەپ ەسەپتەيمىن.

ارعىنعازينوۆ ايبول، رەسەي (كەڭەس) جوعارى وقۋ ورىندارى تۇلەكتەرىنىڭ قازاقستاندىق قاۋىمداستىعىنىڭ پرەزيدەنتى:

- ار جىلدىڭ مامىر ايى بىزدەر ۇشىن قادىرلى مەرەكە - تۇركى جازۋى كۇنى مەن سلاۆيان جازۋى مەن مادەنيەتىنىڭ كۇندەرى اتالىپ وتەدى. تۇركى تەكتەس مەملەكەت رەتىندە تاريحىمىزدى ۇلاعاتتاپ، بولاشاققا باعدار قۇرعان عاسىرعا جۋىق مەرزىمدە كيريلل جازۋىن قولدانىپ كەلە جاتقان بىزدىڭ مەملەكەتىمىز ۇشىن بۇگىنگى كۇننىڭ ماڭىزى ەرەكشە. بۇل مەرەكە حالىقتاردى جاقىنداستىرىپ، ورتاق قۇندىلىقتارعا بىرىكتىرىپ، «ماڭگىلىك ەل» ۇلتتىق يدەياسىن جۇزەگە اسىرۋعا بارشامىزدى جۇمىلدىراتىنى انىق. ورىس تىلى ەلىمىزدە ۇلتارالىق قاتىناس تىلى رەتىندە قودانىلىپ كەلە جاتقاندىعى ەكى كونتينەنتتى بىر-بىرىنە جاقىنداستىردى. ەندىگى كەزەكتە قازاقستاندىق جاس ۇرپاقتىڭ باستى مىندەتى ۇلتارالىق قارىم-قاتىناستى نىعايتۋ بولماق.

شارا م.گوركيي اتىنداعى مەملەكەتتىك اكادەمييالىق ورىس دراما تەاترىندا مەرەكەلىك كونتسەرتپەن جالعاستى.

ۇلتتىق اكادەمييالىق كىتاپحانادا 25 مامىردا «قازىرگى تەرمينجاسام: باعىتتارى مەن پرينتسيپتەرى» تاقىرىبىندا رەسپۋبليكالىق ادىستەمەلىك سەمينار وتەدى. قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى مەن ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى ۇيىمداستىرىپ وتىرعان شارادا قازىرگى تەرمينجاسامنىڭ وزەكتى ماسەلەلەرى تالقىلانادى.

ادىستەمەلىك سەمينارعا قازاقستان رەسپۋبليكاسى پارلامەنتىنىڭ دەپۋتاتتارى، قازاقستان رەسپۋبليكاسى ۇكىمەتى جانىنداعى رەسپۋبليكالىق تەرمينولوگييا كوميسسيياسىنىڭ مۇشەلەرى، لينگۆيست-عالىمدار، ورتالىق اتقارۋشى ورگانداردىڭ جەتەكشى ماماندارى، ۇلتتىق كومپانييالار مەن اكتسيونەرلىك قوعامداردىڭ مەملەكەتتىك تىلدە ىسقاعازدارىن جۇرگىزۋگە جاۋاپتى قىزمەتكەرلەرى قاتىسادى. ولار حالىقارالىق جانە وتاندىق تاجىريبەلەردى زەردەلەي وتىرىپ، سالالىق تەرميندەردى بىرىزدەندىرۋ جايىنا توقتالادى. اتالمىش سالاداعى شەتىن ماسەلەلەردىڭ شەشىمىن تاۋىپ، باعىتىن ايقىندايدى.

قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى «مەملەكەتتىك تىل جانە باق» رەسپۋبليكالىق كونكۋرسىنا ماتەريالدار قابىلداۋ مەرزىمىن ۇزارتتى. بايقاۋعا باق وكىلدەرى اعىمداعى جىلدىڭ 5 ماۋسىمىنا دەيىن اۆتورلىق جۇمىستارىن ۇسىنا الادى. ايتا كەتەيىك، بايقاۋ ەرەجەسىنە وزگەرىستەر ەنگىزىلگەن جوق.

جالپى ەرەجەلەر

«مەملەكەتتىك تىل جانە باق» رەسپۋبليكالىق كونكۋرسى (بۇدان ارى – كونكۋرس) قازاقستان رەسپۋبليكاسى بايلانىس جانە اقپارات قىزمەتكەرلەرىنىڭ كۇنىنە ورايلاستىرىلعان.

كونكۋرستى وتكىزۋدىڭ ماقساتى مەملەكەتتىك تىل ساياساتىن بۇقارالىق اقپارات قۇرالدارىندا ناسيحاتتاۋ، قازاقتىلدى كونتەنتتى ارتتىرۋ جانە مەملەكەتتىك تىلدىڭ قولدانۋ اياسىن كەڭەيتۋ بولىپ تابىلادى.

كونكۋرس تورت نوميناتسييادان تۇرادى:

1) «ۇزدىك ماقالا»;

2) «ۇزدىك تەلەباعدارلاما»;

3) «ۇزدىك راديوباعدارلاما»;

4) «ۇزدىك سايت ماقالاسى».

كونكۋرسقا مەملەكەتتىك تىل جانە ونىڭ دامۋى تۋرالى ماقالالاردى جارييالاعان (باعدارلاما قۇراستىرعان) جۋرناليستەر قاتىسا الادى.

الدىڭعى كونكۋرستاردا باس جۇلدە مەن ى ورىن جەڭىمپازدار كونكۋرسقا قاتىستىرىلمايدى.

كونكۋرستى ۇيىمداستىرۋ تارتىبى

قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى (بۇدان ارى – كوميتەت) كونكۋرستىڭ ۇيىمداستىرۋشىسى بولىپ تابىلادى.

كونكۋرستى وتكىزۋ تۋرالى حابارلاندىرۋ بۇقارالىق اقپارات قۇرالدارىندا جارييالانادى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرىلادى.

كونكۋرسقا قاتىسۋ ۇشىن وسى قاعيدانىڭ 3-تارماعىنداعى كورسەتىلگەن تورت نوميناتسييانىڭ بىرەۋى بويىنشا جازباشا وتىنىم كوميتەتكە 2017 جىلعى 15 مامىرعا دەيىن مىناداي قۇجاتتارمەن بىرگە بەرىلەدى:

1) كونكۋرسقا قاتىسۋ تۋرالى وتىنىم (قاعيدانىڭ قوسىمشاسىنا سايكەس نىسان بويىنشا);

2) 2016 جىلعى 10 ماۋسىم مەن 2017 جىلعى 15 مامىر ارالىعىندا بۇقارالىق اقپارات قۇرالدارىندا جارىق كورگەن ۇش ماتەريالدى، سونىڭ ىشىندە راديو جانە تەلەباعدارلامالاردى، مەملەكەتتىك تىلدەگى سايتتارداعى جانە مەرزىمدىك باسپاسوزدەگى جارييالانعان ماقالالاردى;

3) ماقالا جارييالانعان گازەت-جۋرنالدار، سايتتاردىڭ سكرينشوتتارى، باعدارلامالاردىڭ DVD ديسكىدەگى جازباسى، ماقالالاردىڭ «Word» فورماتىنداعى ەلەكتروندىق نۇسقالارى;

4) ۇسىنىلعان ماتەريالداردىڭ «Tilalemi.kz» پورتالىنداعى «مەملەكەتتىك تىل جانە باق» ايدارىنا ورنالاستىرىلعاندىعىن راستايتىن قۇجات (سكرينشوتتار نەمەسە سىلتەمەلەر).

قاعيدانىڭ 8-تارماعىندا كورسەتىلگەن مەرزىمنەن كەيىن ۇسىنىلعان وتىنىم كونكۋرسقا قاتىستىرىلمايدى.

كوميتەتكە ۇسىنىلعان قۇجاتتار قايتارىلمايدى.

قورىتىندى ەرەجەلەر

كونكۋرسقا قاتىسۋشىلاردىڭ جۇمىسىن باعالاۋ جانە جەڭىمپازداردى انىقتاۋ ۇشىن تىل مەن ادەبيەت، جۋرناليستيكا سالالارىنىڭ بىلىكتى ماماندارى، عالىمدار، زييالى قاۋىم وكىلدەرىنەن بەس ادامنان تۇراتىن قازىلار القاسى قۇرىلادى. ونىڭ قۇرامىن كوميتەت انىقتايدى.

قازىلار القاسى كونكۋرسقا قاتىسۋشىلاردان تۇسكەن ماتەريالدار نەگىزىندە داۋىس بەرۋ ارقىلى كونكۋرستىڭ تورت نوميناتسيياسى بويىنشا جەڭىمپازداردى انىقتايدى.

كونكۋرستىڭ ماراپاتتاۋ راسىمى سالتاناتتى تۇردە وتكىزىلەدى.

كونكۋرس جەڭىمپازدارى ارنايى ديپلومدارمەن جانە اقشالاي سىيلىقتارمەن ماراپاتتالادى.

كونكۋرستىڭ جەڭىمپازدارى تۋرالى اقپارات بۇقارالىق اقپارات قۇرالدارىندا جارييالانادى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرىلادى.

010000، استانا قالاسى، ماڭگىلىك ەل داڭعىلى، 8-ۇي، «مينيسترلىكتەر ۇيى»، 15-كىرەبەرىس، قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى، «مەملەكەتتىك تىل جانە باق» رەسپۋبليكالىق كونكۋرسىنا» دەگەن بەلگىمەن.

بايلانىس تەلەفوندارى: 8 (7172) 74-04-97، 74-05-03، 74-14-97، 27-98-36، 40-83-67.

«مەملەكەتتىك تىل جانە باق»

رەسپۋبليكالىق كونكۋرسىن وتكىزۋ

جونىندەگى قاعيدالارىنا

قوسىمشا

«مەملەكەتتىك تىل جانە باق» رەسپۋبليكالىق

كونكۋرسقا قاتىسۋ ۇشىن وتىنىم

ت.ا.ا. _______________________________________________________

جاسى _______________________________________________________

جىنىسى____________________________________________________

بىلىمى________________________________________________________

جۇمىسى______________________________________________________

مەكەنجايى___________________________________________________

بايلانىس تەلەفوندارى_________________________________________

ماقالا، باعدارلاما، باق اتاۋى، جارييالانعان كۇنى:______________

_____________________________________________________________

_____________________________________________________________

قوسىمشا اقپارات _____________________________________________

فوتوسۋرەت (ەلەكتروندىق نۇسقاسىمەن بىرگە)

قولى

كۇنى

ەسكەرتۋ! ماتەريالدارىڭىزدى "«Tilalemi.kz» پورتالىنداعى «مەملەكەتتىك تىل جانە باق» ايدارىنا ورنالاستىرۋ ۇشىن tilalemi.kz@gmail.com ەلەكتروندى پوشتاسىنا جولداڭىزدار.